इंग्रजी मध्ये बोलणं खूप सोपं आहे….. प्रयत्नांती परमेश्वर….

इंग्रजी मध्ये बोलणं खूप सोपे आहे, परंतु हे साध्य करण्यासाठी केवळ एकच गोष्ट आपणास करणे आवश्यक आहे ते म्हणजे…. निर्धार!!!! जर आपण दररोजच्या क्रियांमध्ये किंवा नित्य नियमांमध्ये थोडेसे बदल केले आणि आपल्या ध्येयावर लक्ष केंद्रित करून आणि त्या दृष्टीने प्रयत्न करत राहिल्यास (म्हणजे इंग्रजीमध्ये बोलण्याच्या दृष्टीने), तर कोणतेही गोष्ट आपल्याला आपले ध्येय गाठण्यात अडथळा आणू शकत नाही.

इंग्रजी बातम्या पाहणे किंवा इंग्रजी वृत्तपत्र वाचणे किंवा इंग्रजी मासिके वाचणे:

दररोज किमान काही वेळासाठी आपण इंग्रजी बातम्या पाहणे आवश्यक आहे. आपल्या स्थानिक भाषेच्या बातम्या पाहण्याऐवजी इंग्रजी बातम्या पाहिल्या पाहिजेत. यामुळे आपल्याला इंग्रजी भाषेतील शब्द व त्यांचे उच्चार समजण्यासाठी फायदा होईल. तसेच आपल्याला सध्याच्या घडामोडींबद्दल जाणून घेण्यास देखील मदत करेल. त्याच प्रकारे आपण दररोज इंग्रजी वृत्तपत्र किंवा मासिके वाचणे सुरू केले पाहिजे. त्यामुळे आपल्याला इंग्रजी भाषेतील शब्दांची जाणीव होईल.

प्रत्येक दिवशी इंग्रजी मध्ये बोलणं याचा सराव करा : 

आपल्या जवळच्या आणि प्रियजनांबरोबर इंग्रजीमध्ये बोलण्याचा प्रयत्न करा. नेहमी इंग्रजीमध्ये संभाषण करण्याचा प्रयत्न करा. इंग्रजीमध्ये बोलण्यास अजिबात संकोच करू नका.

इंग्रजी चित्रपट किंवा टीव्ही प्रोग्राम पहा :

इंग्रजी चित्रपट किंवा टीव्ही प्रोग्राम पहा कदाचित उपशीर्षके असलेला. हे आपल्याला इंग्रजी सुधारण्यास मदत करेल आणि आपलं थोडे मनोरंजन देखील होईल.

आपला शब्दसंग्रह वाढवा:

बर्‍याच लोकांच्या मनात असा प्रश्न पडेल की, “इंग्रजी शब्दसंग्रह कसा वाढवायचा?”

या प्रश्नाचे उत्तर असे आहे की, “प्रत्येक दिवशी काही शब्द त्यांच्या अर्थासह (किमान पाच शब्द) शिका”. यासाठी आपण शब्दकोष वापरू शकता (शिफारसः इंग्रजी ते आपली स्थानिक भाषा किंवा मातृभाषा अशा प्रकारे असलेला शब्दकोष).

डायरी लिहायला सुरुवात करा:

रोज इंग्रजीमध्ये डायरी लिहा. आपण दररोज शिकलेल्या शब्दांचा वापर करुन वाक्य बनविण्याचा प्रयत्न करा.

इंग्रजी संगीत ऐका :

इंग्रजी संगीत ऐकण्यामुळे देखील आपली इंग्रजी भाषा सुधारण्यास मदत होऊ शकते.

सोशल मीडिया:

आपल्यातील प्रत्येकजण सोशल नेटवर्किंग साइट्स किंवा application वापरत आहे. जवळजवळ सर्व सोशल नेटवर्किंग application मध्ये चॅट बॉक्स असतात. तर या चॅट बॉक्सचा वापर करा आणि आपल्या मित्रांसह इंग्रजीमध्ये गप्पा मारा.

इंग्रजीमध्ये विचार करा:

आपल्या मातृभाषेतील शब्द किंवा वाक्यांचे भाषांतर करु नका . यामुळे व्याकरणाच्या चुका होऊ शकतात. म्हणून इंग्रजीत विचार करा आणि इंग्रजीमध्ये बोला.

शेवटी हे म्हणायलाच पाहिजे, “आपण यशस्वी होईपर्यंत प्रयत्न करा.”

शुभेच्छा…